Io vulesse truvà pace

Ed ora, archiviato il referendum…

Io vulesse truvà pace;
ma ‘na pace senza morte.
Una, ‘mmieze ‘a tanta porte,
s’arapesse pè campà!

S’arapesse ‘na matina,
‘na matina ‘e primmavera,
e arrivasse fin’a sera
senza dì: «’nzerràte llà!»

Senza sentere cchiù ‘a ggente
ca te dice: «io faccio…, io dico»,
senza sentere l’amico
ca te vene a cunziglià.

Senza sentere ‘a famiglia
ca te dice: «Ma che ‘e fatto?»
Senza scennere cchiù a patto
C’’a cuscienza e ‘a dignità.

Senza leggere ‘o ggiurnale…
‘a nutizia impressionante,
ch’è ‘nu guaio pè tutte quante
e nun tiene che ce fá.

Senza sentere ‘o duttore
ca te spiega a malatia…
‘a ricetta in farmacia…
l’onorario che ‘a pavà.

Senza sentere ‘stu core
ca te parla ‘e Cuncettina,
Rita, Brigida, Nannina…
Chesta sì… Chell’ata no.

Pecché, insomma, si vuò pace
e nun sentere cchiù niente,
‘e ‘a sperà ca sulamente
vene ‘a morte a te pigliá?

Io vulesse truvà pace
ma ‘na pace senza morte.
Una, mmiez’’a tanta porte
S’arapesse pè campà!

S’arapesse ‘na matina,
‘na matine ‘e primmavera,
e arrivasse fine ‘a sera
senza dì: «’nzerràte llà!»

eduardo

 

Eduardo De Filippo

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...